Mugna, pag-himo, pagbuhat nga nindot, maayo, ug mapuslan. Mamugnaon kon sa Inenglis pa, creative. Mugna, mao ang gihimo sa mamugnaon. Ang 'create'matawag pod nga lalang, apan kining paglalang sama sa paglalang sa Dios sa kalibotan ug sa tawo, mao ang paghimo gikan sa wala ngadto sa naa.
Kon tali sa mga tawo, ang 'creation', akong mugna, nagpasabot lamang nga akong hinimo, diha sa akong pagkamamugnaon, gipuslan ang mga himan ug katakos nga anaa na diha sa palibot.
Naay usa ka 'sayantipiko' miduol sa Ginoo, 'Ginoo, wala na mi manginahanglan kanimo'.
'Ngano man?', matod sa Dios.
'Kabalo na mi momugna og kinabuhi, kabalo na mi mogama og tawo', matod sa sayantipiko.
'Sige daw, pakita ko'
Unya mipunit og yuta ang sayandtipiko.
Ang Dios miingon, 'Oooops, ayaw nang akoa, paghimo og imong yuta'
